Առողջապահության նախարարությունը հայտարարություն է տարածել
28/05/2022
Հայաստանում ջրծաղիկի հիվանդացության ցուցանիշը չի հատում վարակի սեզոնայնությանը բնորոշ շեմը։ Առանձնակի անհանգստացնող բռնկումներ չեն գրանցվել։
Այս մասին տեղեկացնում է ՀՀ առողջապահության նախարարությունն ու հորդորում լրատվամիջոցներին չաղավաղել տեղեկատվությունը, չապակողմնորոշել հանրությանը։
Գրառման մեջ նաև ասված է.
«Իսկ քաղաքացիներին կոչ ենք անում հետևել ստուգված, փաստարկված և ճշգրիտ տեղեկատվությանը։
Հետևե՛ք առողջապահության նախարարության տրամադրած տեղեկատվությանը մեր բոլոր պաշտոնական հարթակներով»: