Տոյվո Կլաարին ադրբեջանական կողմից ևս տեսանյութեր են ուղարկվել
03/10/2022
Հարավային Կովկասի եւ Վրաստանի ճգնաժամի հարցերով Եվրոպական միության հատուկ ներկայացուցիչ Տոյվո Կլաարը իր միկրոբլոգում հայտնել է, որ ադրբեջանական կողմից ևս մի քանի տեսանյութեր է ստացել․
«Այսօր ինձ մի քանի տեսագրություններ են ուղարկել, որոնցում, ըստ երեւույթին, ցուցադրվում են ադրբեջանցիների դեմ կատարված ռազմական հանցագործությունները։ Դրանք նույնպես պետք է հետաքննվեն, եւ եթե իրական է, մեղավորները պետք է պատասխանատվության ենթարկվեն:
Հակամարտությունը խոր վերքեր Է թողել երկու կողմերի վրա, եւ դրանք բուժելու համար անհրաժեշտ է հետևողականություն»,- գրել է նա: