Քարեր ալիգատորներում
Կոկորդիլոսները կուլ են տալիս քարերը՝ ավելի լավ սուզվելու համար։
Կոկորդիլոսները հաճախ քարեր են կուլ տալիս։ Կենդանական աշխարհում դա այդքան էլ հազվադեպ չէ՝ քարերը կուլ են տալիս ձկները, թռչունները և որոշ կենդանիներ։ Սակայն ավելի վաղ ենթադրվում էր, որ կոկորդիլոսներին, ինչպես թռչուններին, քարերն օգնում են մանրացնել դժվարամարս սնունդը: Մեկ այլ վարկածի համաձայն՝ քարերը մարմնին ավելի մեծ կայունություն են հաղորդում, և այդ պատճառով կոկորդիլոսների համար ավելի հեշտ է լողալ քարերով։
Integrative Organismal Biology-ի հոդվածում ասվում է, որ քարերը, ամենայն հավանականությամբ, օգնում են կոկորդիլոսներին ոչ այնքան լողալ, որքան սուզվել: Փորձի ժամանակ Միսիսիպիի յոթ երիտասարդ ալիգատորներին կերակրեցին փոքր քարերով. ալիգատորները կերան այնքան, որքան ցանկանում էին, և համեմատեցին, թե որքան ժամանակ են կոկորդիլոսները ջրի տակ անցկացրել քարե ընթրիքից առաջ և հետո: Յուրաքանչյուր ալիգատոր կատարել է մի քանի տասնյակ սուզումներ, և պարզվել է, որ քարերով սողունները ջրի տակ միջինը 35 րոպե ավելի երկար են անցկացնում՝ սա 88%-ով ավելի է, քան առանց քարերի (չնայած այն հանգամանքին, որ միջին քաշի ավելացումը կազմել է 2,5%)։
Ինչպես գիտեք, կոկորդիլոսները որս են անում՝ թաքնվելով ջրի տակ և հետևելով որսին, շնչելով օդը, որը նրանք լցրել են իրենց թոքերը։ Քարերը նրանց համար ծառայում են որպես բալաստ՝ թույլ տալով նրանց առանց ջանքերի մնալ ջրի տակ՝ շատ օդով:
Թարգմանությունը՝ Միսաք Տիգրանյան
