«Ֆրանսիան ցանկանում է է՛լ ավելի սրել հարաբերությունները Ադրբեջանի հետ». Հաջիզադե
04/09/2024
Ադրբեջանի ԱԳՆ-ն դատապարտել է Ֆրանսիայի ԱԳՆ-ի հայտարարությունը, որով պաշտոնական Փարիզը կոչ է անում երկրի քաղաքացիներին զերծ մնալ Ադրբեջան այցելություններից՝ կամայական ձերբակալություններից խուսափելու համար, հայտնում է APA-ն:
«Վճռականորեն դատապարտում ենք Ֆրանսիայի Եվրոպական հարցերի և արտաքին գործերի նախարարության հայտարարությունը»,-ասել է Ադրբեջանի ԱԳՆ խոսնակ Այխան Հաջիզադեն։
Ըստ նրա՝ «Ֆրանսիայի նման անհիմն ու կողմնակալ որոշումը վկայում է այն մասին, որ այդ երկիրը ցանկանում է է՛լ ավելի սրել հարաբերությունները Ադրբեջանի հետ»։
Ավելի վաղ հայտնել էինք, որ Ֆրանսիան իր քաղաքացիներին, այդ թվում՝ երկքաղաքացիություն ունեցողներին, խորհուրդ է տվել առանց ծանրակշիռ պատճառի, առանց խիստ անհրաժեշտության չմեկնել Ադրբեջան։
