«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Նկար

Բերձորից, Աղավնոյից ու Ներքին Սուսից տարհանված ընտանիքների մեծ մասը հաստատվել է ՀՀ տարբեր մարզերում

27/08/2022

Բերձոր, Աղավնո և Ներքին Սուս համայնքներից տարհանված ընտանիքները մեծամասամբ հաստատվել են Հայաստանի Հանրապետության տարբեր մարզերում, մի մասն էլ, ովքեր ցանկություն են հայտնել բնակվել Արցախում, ժամանակավորապես տեղավորվել են Ստեփանակերտի հյուրանոցներում, «Արցախպրես»-ին ասել է Արցախի Հանրապետության Տարածքային կառավարման և ենթակառուցվածքների նախարարության մամուլի խոսնակ Վիկտորյա Պետրոսյանը:

«Բերձորից, Աղավնոյից տեղահանված բնակիչները, ովքեր տեղավորվել են Ստեփանակերտի տարբեր հասցեներում, արդեն իսկ ստացել են այն աջակցությունը, որից օգտվում են 44-օրյա պատերազմից հետո տեղահանված մեր մյուս հայրենակիցները»,- նշել է նա։

ՏԿԵ մամուլի խոսնակը հավելել է, որ տեղահանվածներն Արցախում կօգտվեն բնակարանային ապահովման պետական աջակցության ծրագրերից։