«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Ավելի քան 2000 տարի առաջ Աստծունը՝ Աստծուն, կայսրինը՝ կայսրին և ուրեմն, մենք էլ հետևելով աս բարձր օրինակին, զատենք տարբեր երևույյթներ իրարից: Շատ ծանր արարք է մեղսագրվում մի մարդու, ով խորհրդարանական կուսակցության ղեկավար է և շատ հեշտ է ընկնել ծուղակը և քաղաքականացնել իրավական գործընթացը. Աժ-ի նիստում նշեց ԱԺ-ի նախագահ Արարատ Միրզոյանը:<br /> <br /> &laquo;Ես առաջարկում եմ տարանջատել հարցի քաղաքական և իրավական կոնտեքստը: Շատ հեշտ է հանդես գալ Կառավարության հրաժարականի պահանջով, երբ գիտես, որ վաղուց արդեն հարուցված են իրավական գործընթացներ, որոնք կարող են հանգեցնել այս կամ այն կերպ մասնակցությանն օրենքով արգելված արարքին: Որպեսզի հասկանանք, որն է որից հետո, պետք է պարզ հայացք նետել ժամանակագրությանը, ճշմարտությունը՝ ակնհայտ է&raquo;,- նշեց ԱԺ նախագահը:&nbsp;<br /> <br /> Արարատ Միրզոյանը նշեց, որ շատ լավ է, որ տարբեր քաղաքական ուժեր կարողանում են Կառավարության հրաժարականը պահանջել՝ անկախ նրանից՝ հիմնավորում են իրենց տեսակետը, թե ոչ.<br /> <br /> &laquo;Շնորհակալություն այն գործիչներին, ովքեր իրենց աշխատանքով և՛ աշխատատեղեր են ապահովվել, և՛ իրենք էլ հարստացել են, բայց դա չի նշանակում, որ կարելի է շանտաժ անել աշխատատեղերի փակմամբ, հնարավոր կամ անհնար ներդրումներով, հեղափոխությանը ցուցաբերած աջակցությամբ և ազատել ձեռքերը որևէ պատասխանատվությունից: Օրենքի առաջ պատասխանատու են բոլորը և սա նույնպես մեր քաղաքական հավատամքն է: Օրենքի առաջ հավասար են բոլորը՝ անկախ նրանից քաղաքական կուսակցության ղեկավար են, գործարաններ ունեն, ներդրումներ բերում են, թե ոչ: Որևէ մեկին իր տնտեսական գործունեությունը և քաղաքական կշիռը չի ազատում պատասխանատվությունից&raquo;:<br /> <br /> Արարատ Միրզոյանը հույս հայտնեց, որ քննությունը կպարզի, որ Գ. Ծառուկյանը մեղավոր չէ իրեն մեղսագրվող արարքում և իրենք նրան հետ կողջունեն խորհրդարանում, իսկ, հակառակ դեպքում, ովքեր սխալ են գործել, պետք է օրենքով պատասխանատվություն կրեն, քանի որ դա իրենց քաղաքական հավատամքն է:</p> <p>&nbsp;</p> <p>Աղբյուրը` Tert.am</p> <p>Կայքը` Generalnews.am</p>