«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

<p>Բալթյան նավատորմի հակաօդային պաշտպանության զորամասերից մեկի բուժակ Քսենյա Կալչինսկայան, որը Կալինինգրադում Հայրենական մեծ պատերազմում տարած հաղթանակի 75-րդ տարեդարձին նվիրված զորահանդեսի ընթացքում կորցրել էր կոշիկը, սակայն շարքը չէր խախտել և շարունակել էր քայլերթը, մեդալ է ստացել, հայտնում է<a href="https://eadaily.com/ru/news/2020/06/26/poteryavshaya-na-parade-tuflyu-feldsher-baltflota-poluchila-medal?fbclid=IwAR386PwvO0DivhEADuEh5EWFsaO3Y5U9IQNHc5K_S_MpkNTbvwStHURbyzg" rel="nofollow" target="_blank">&nbsp;eadaily.com</a>&nbsp;կայքը։</p> <p>Բալթյան նավատորմի ներկայացուցիչ Ռոման Մարտովի խոսքով՝ աղջիկը Բալթյան նավատորմի հրամանատար Ալեքսանդր Նոսատովի ձեռքից մեդալ, ինչպես նաև պարգևագիր և ծաղկեփունջ է ստացել։</p> <p>Կալչինսկայան խոստովանել է, որ նման ուշադրություն չէր սպասում։ Նա նշել է, որ նման իրավիճակների համար որևէ հատուկ ցուցումներ չկան, այդ պատճառով էլ հույսը դրել է ինքն իր վրա՝ հասկանալով, որ պետք է &laquo;հպարտ անցնի&raquo; և &laquo;փախչելու որևէ տեղ չունի&raquo;։ Հայտնի է, որ արդեն շքերթից հետո կորած կոշիկը գտել և վերադարձրել են աղջկան։</p> <p>Ինչպես ավելի վաղ հայտնել էր&nbsp;<a href="https://www.tert.am/am/news/2020/06/24/parade/3327105">Tert.am</a>-ը, ՌԴ Կալինինգրադ քաղաքում Հայրենական մեծ պատերազմում տարած հաղթանակի 75-րդ տարեդարձին նվիրված զորահանդեսի ժամանակ շքերթի մասնակցուհիներից մեկի կոշիկը դուրս է եկել ոտքից: Սակայն դա չի խանգարել վերջինիս շարունակել քայլերթը մեկ կոշիկով:</p> <p>Կալինինգրադում անցկացված զորահանդեսին Բալթյան նավատորմի շուրջ 1500 զինծառայող և այլ ուժային գերատեսչությունների աշխատակիցներ են մասնակցել:</p> <p>Հիշեցնենք, որ Մոսկվայի Կարմիր հրապարակում անցկացված տոնական շքերթին հանդիսավոր քայլերթով մասնակցել է 75 հոգուց բաղկացած հայկական զորախումբը՝ գնդապետ Աշոտ Հակոբյանի գլխավորությամբ։&nbsp;Շքերթին, ընդհանուր առմամբ, ներգրավված է եղել 15 հազար զինվորական, 234 միավոր տեխնիկա, 80 ինքնաթիռ և ուղղաթիռ։</p> <p>&nbsp;</p> <p>Աղբյուրը`&nbsp;&nbsp;Tert.am</p>