Թրամփը ստորագրել է շաթդաունի դադարեցման օրինագիծը, սակայն նոր ճգնաժամի վտանգը պահպանվում է
ԱՄՆ նախագահ Դոնալդ Թրամփը փետրվարի 3-ին ստորագրել է դաշնային կառավարության մասնակի շաթդաունի դադարեցմանն ուղղված օրինագիծը, հայտնել է Սպիտակ տունը։ Օրինագիծը նախկինում հավանության էր արժանացել Կոնգրեսի երկու պալատների՝ Սենատի և Ներկայացուցիչների պալատի կողմից։ Միևնույն ժամանակ, Ներքին անվտանգության նախարարության ֆինանսավորումը ապահովված է միայն մինչև փետրվարի 13-ը, ինչը նշանակում է, որ նոր շաթդաունի վտանգը շարունակում է մնալ։ Այս հարցի շուրջ կողմերը մտադիր են շարունակել բանակցությունները՝ փոխզիջումային լուծում գտնելու նպատակով։
ԱՄՆ-ում մասնակի շաթդաունը սկսվել էր հունվարի 31-ին՝ 2026 թվականի դաշնային բյուջեի շուրջ համաձայնության բացակայության պատճառով։ Ֆինանսավորման վերջնաժամկետի լրանալուց հետո Կոնգրեսը չկարողացավ ժամանակին հաստատել անհրաժեշտ նախագծերը։ Շաթդաունը երկրորդն է Դոնալդ Թրամփի երկրորդ նախագահական ժամկետի ընթացքում։ Ֆինանսավորման շուրջ բանակցությունները խափանվել էին նաև Մինեապոլիսում տեղի ունեցած միջադեպի պատճառով, երբ դաշնային ներգաղթի գործակալների գործողությունների հետևանքով զոհվել էին երկու ցուցարարներ, ինչը լրացուցիչ լարվածություն էր ստեղծել քաղաքական գործընթացում։
https://www.bbc.com/news/articles/cew8e1259wko
Առաջարկվող Նորություններ
