Երկուշաբթի, Նոյեմբերի 30, 2020 Հետադարձ կապ

"ԶՈՐԱՎԱՐ ՍԵՊՈՒՀ" ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ


Գլխավոր  Համանախագահների օրակարգում մեկ հարց է՝ հրադադարի իրականացում. Քոչարյան

Նկար

Համանախագահների օրակարգում մեկ հարց է՝ հրադադարի իրականացում. Քոչարյան

20/10/2020 60

ՀՀ արտգործնախարարի տեղակալ Շավարշ Քոչարյանը խորհրդարանում լրագրողների հետ ճեպազրույցի ժամանակ անդրադարձավ ԱՄՆ պետքարտուղարի հետ Հայաստանի և Ադրբեջանի արտգործնախարարների սպասվելիք հանդիպմանը:

Քոչարյանը նշեց, որ առ այսօր երեք համանախագահներից ավելի ակտիվ են եղել Ռուսաստանն ու Ֆրանսիան, և հիմա ամերիկյան կողմի միանալն էլ կարևոր է:

«Տվյալ դեպքում երեք համանախագահների մոտ օրակարգում մեկ հարց է. որ ոչ միայն հայտարարվի հրադադար, այլև այդ հրադադարն իրականացվի: Եվ պատահական չէ, որ ՄԱԿ-ի Անվտանգության խորհրդի քննարկումը սրան էր նվիրված»,- նշեց Քոչարյանը:

Ներկա փուլում երեք համանախագահներն ունեն մեկ մանդատ, որն է՝ նպաստել կողմերի միջև փոխզիջումների միջոցով ընդհանուր հայտարարի հասնելուն՝ նշեց փոխնախարարը: Եվ երկրորդ մանդատը կապված է համանախագահ երկրների՝ ՄԱԿ-ի Անվտանգության խորհրդի մշտական անդամության հետ, և դա ենթադրում է թույլ չտալ ռազմական գործողությունների վերսկսում: