«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Հատուկ հանձնարարություններով դեսպան Էդմոն Մարուքյանը Ֆեյսբուքի իր էջում գրել է․ «Շուրջ 11 տարի առաջ Մարդու Իրավունքների Եվրոպական դատարան էինք հասցրել մի շատ կարևոր գործ: Մարդու կյանքի իրավունքի խախտման վերաբերյալ:

Այսօր ՄԻԵԴ-ն արձանագրել է, որ ՀՀ-ն խախտել է Արման Ենգիբարյանի կյանքի իրավունքը՝ երաշխավորված Մարդու իրավունքների Եվրոպական Կոնվենցիայի 2-րդ հոդվածով և պարտավորեցրել է Հայաստանին Ենգիբարյանի ընտնիքին վճարել 39.000 եվրո փոխհատուցում։

Մարդու Իրավունքների Եվրոպական Դատարանը իր որոշմամբ վճռել է, որ Ենգիբարյանի մահվան առնչությամբ տեղի է ունեցել Կոնվենցիայի 2-րդ հոդվածի խախտում։

Արման Ենգիբարյանի ընտանիքը դիմել էր Հելսինկյան Քացաքացիական Ասամբլեայի Վանաձորի գրասենյակ, որից հետո ներպետական ատյաններում և Մարդու Իրավունքների Եվրոպական Դատարանում Ենգիբարյանի իրավահաջորդի շահերը ներկայացրել են փաստաբաններ Էդմոն Մարուքյանը և Տաթևիկ Մատինյանը՝ դեռևս 2012 թվականին։