Գորիս-Կապան ճանապարհը մինչև երեկո կբացվի. պատգամավոր
Սյունիքում այս պահին ընթանում են եռակողմ բանացություններ ադրբեջանական ԶՈՒ-ի կողմից փակված Գորիս-Կապան ճանապարհի որոշ հատվածների բացման շուրջ։
Բանակցություններին մասնակցում են Հայաստանի, Ադրբեջանի և Ռուսաստանի ներկայացուցիչները։
Ինչպես հայտնում է իշխող «Քաղաքացիական պայմանագիր» կուսակցության պատգամավոր, սյունեցի Նարեկ Ղահրամանյանը, բանակցությունները ընթանում են դրական դինամիկայով և ամենաուշը երեկոյան ճանապարհը կբացվի։
Նա նաև նշում է, որ տեղանքից բնակչության տարհանում չի եղել, կրակոցներ չեն հնչել։
Հիշեցնենք՝ ԱԱԾ-ն տեղեկացրել էր, որ օգոստոսի 25-ին՝ ժամը 23:00-ի սահմաններում, ադրբեջանական կողմը փակել էր Կապան-Գորիս միջպետական ճանապարհի Կարմրաքար-Շուռնուխ հատվածը:
Նշենք, որ քաղաքացիական մեքենաներ էին մնացել շրջափակման մեջ, որոնք հանվել են ռուս խաղաղապահների ջանքեդը շնորհիվ։
