Մարտունիի հրթիռակոծությունից 65-ամյա Վ. Միրզոյանը սպանվել է, 42-ամյա Գ.Վարդանյանը՝ վիրավորվել. Արցախի ՄԻՊ
19/10/2020
Արցախի Մարդու իրավունքների պաշտպանի աշխատակազմի կողմից ճշտված տեղեկություններով հոկտեմբերի 17-ին Ադրբեջանի կողմից Մարտունի քաղաքի հրթիռակոծության հետևանքով սպանվել է 65-ամյա Վլադիմիր Միրզոյանը, իսկ 42-ամյա Գևորգ Վարդանյանը ստացել է մարմնական վնասվածքներ: Այս մասին հրապարակում է արվել Արտակ Բեգլարյանի ֆեյսբուքյան էջում։
Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։