Դատարանը վերականգնել է ԱԻՊ գրասենյակի շահառուի կենսաթոշակը
Իրավաբանական օգնության խնդրանքով «Հրայր Մարուխյան» հիմնարդամի աշխատանքային իրավունքների պաշտպանության գրասենյակ էր դիմել ավիատեխնիկ Ս.Ղ.-ն կենսաթոշակի վճարումը դադարեցնելը ոչ իրավաչափ ճանաչելու խնդրանքով:
ԱԻՊ գրասենյակը հայցադիմում էր ներկայացրել դատարան՝ ՀՀ աշխատանքի եւ սոցիալական հարցերի նախարարության սոցիալական ապահովության պետական ծառայության աշխատակազմի Դավիթաշենի սոցիալական ապահովության տարածքային բաժնի գործողությունները ոչ իրավաչափ ճանաչելու մասին Վարչական դատարանը բավարարել է հայցադիմումը ամբողջությամբ՝ անվավեր ճանաչել Հայաստանի Հանրապետության աշխատանքի եւ սոցիալական հարցերի նախարարության աշխատակազմի սոցիալական ապահովության ծառայության Դավիթաշենի սոցիալական ապահովության տարածքային բաժնի 30.05.2018 թվականի թիվ 51/187 գրությունը:
Ձեր աշխատանքային իրավունքները պաշտպանելու, սոցիալական նպաստների, կենսաթոշակների եւ այլ սոցիալական հարցերով անվճար խորհրդատվություն եւ փաստաբանական ծառայություններ ստանալու նպատակով կարող եք դիմել «Հրայր Մարուխյան» հիմնադրամի աջակցությամբ գործող Աշխատանքային իրավունքների պաշտպանության գրասենյակ (hեռ.՝ 094-99-65-04, 096-99-66-04, hասցե՝ ք. Երեւան, Շենգավիթ, Գ. Նժդեհի 8):
