«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Ըստ արդարադատության նախարարության «Քրեակատարողական բժշկության կենտրոն» ՊՈԱԿ-ի տեղեկության, Հայաստանի ՔԿՀ–ներում COVID-19-ի վարակի ներթափանցման վտանգը քաղաքացիական բժշկական հաստատությունների համեմատությամբ ներկայումս ավելի փոքր է եւ վերահսկելի։ ՊՈԱԿ-ի եւ քրեակատարողական ծառայության կողմից իրականացվում են հակահամաճարակային միջոցառումներ՝ վարակի ներթափանցումը ՔԿՀ-ներ կանխելու համար։
 

Ի դեպ, նկատենք, որ արդեն տեւական ժամանակ է, ինչ ՔԿՀ-ներում նորից արգելվել են տեսակցությունները։
 

Ըստ ՊՈԱԿ-ի տնօրենի տեղակալ Արայիկ Հարությունյանի, ընթացիկ տարվա ապրիլից «Դատապարտյալների հիվանդանոց» ՔԿ հիմնարկի 2 մասնաշենքերի շքամուտքում կառուցվել է վարակազերծման եւ ախտահանման համար նախատեսված նախասրահ։ Իսկ «Դատապարտյալների հիվանդանոց»-ի տւբերկուլոզային եւ նարկոլոգիական մասնաշենքերն ամբողջությամբ դատարկվել են, որպեսզի անհրաժեշտության ժամանակ օգտագործվեն բացառապես որպես կորոնավիրուսային վարակի կանխարգելման կարանտինային գոտի։
 

Հիշեցնենք, որ նոյեմբերին «Վարդաշեն» ՔԿՀ-ի բաց ռեժիմի գոտու երկու դատապարտյալի մոտ հայտնաբերվել է կորոնավիրուսի վարակման դեպք ու բաց տիպի պատիժ կրող 24 անձ։

aravot.am