Զինվորների մարմինների նկատմամբ ցուցաբերված անարգանքի դեպքի առնչությամբ նյութեր են նախապատրաստվում. փաստաբան
Աբովյանի դիահերձարանում նահատակված զինվորների մարմինների նկատմամբ ցուցաբերված անարգանքի դեպքի առնչությամբ նյութեր են նախապատրաստվում՝ փաստաբանի հաղորդման հիման վրա։ Այս մասին տեղեկացրել է փաստաբան Գարիկ Գալիկյանը։
Նրա ֆեյսբուքյան գրառման մեջ ասվում է.
«Քանի, որ Աբովյանի դիահերձարանի հետ կապված քննարկումները մեծ արձագանք են ստացել, և արդեն մամուլում շրջանառվում են լուրեր առ այն, որ երկու աշխատակից ազատվել են աշխատանքից, ևս մեկ անձ ստացել է նկատողություն, իսկ որոշ մարդկանց մոտ կարծիք է ձևավորվում, որ դրանով կավարտվի գործը, փորձեմ պարզաբանել։
Նախ՝ իրենց ներքին կանոնակարգի համաձայն` ծառայողական քննություն իրականացնելը, որևէ մեկին աշխատանքից ազատելը, կամ նկատողություն հայտարարելը, որևե կապ չունի իմ կողմից ներկայացված հաղորդման հետ։
Ներկայիս պահին ոստիկանության Աբովյանի բաժնում, նյութեր են նախապատրաստում և ըստ ինձ կհարուցվի քրեական գործ ու կընթանա նախաքննություն։
Ամեն դեպքում ինչպես նշել էի նախօրեին հետևողական ենք լինելու և պայքարելու ենք, որպեսզի մեղավորները ենթարկվեն պատասխանատվության»։