Ջալալ Հարությունյանին այս տարի երկու անգամ Քննչական կոմիտե են կանչել․ «Ժողովուրդ»
Oրաթերթի տեղեկություններով՝ ՀՀ քննչական կոմիտեն Արցախի ՊՆ նախարար Ջալալ Հարությունյանին 2023 թվականի տարեսկզբին երկու անգամ հրավիրել է նախաքննական մարմին, որտեղ էլ եղել են Զինված ուժերի պաշտոնատար անձանց հետ առերեսումներ․ ասել է թե՝ քրեական գործով նախաքննությունն առերեսման փուլում է:
«Հիշեցնենք, որ 44-օրյա պատերազմի ընթացքում Արցախի Պաշտպանության բանակը ղեկավարած Ջալալ Հարությունյանին երկու դրվագով առաջադրված մեղադրանքներից մեկը Ցորի զորամասի 20 հրետանավորների զոհվելու հանգամանքներին է վերաբերում։
Առաջադրված մեղադրանքի մյուս դրվագով՝ հենց նրա գործողությունների հետևանքով են հոկտեմբերի 7-ին՝ հակահարձակման ժամանակ, հայկական ստորաբաժանումները մարդկային մեծաքանակ ուժի ու զինտեխնիկայի կորուստ կրել, պահեստային ստորաբաժանումները դարձել են ոչ մարտունակ, զբաղեցրած կրակային դիրքերն անցել են հակառակորդի հսկողության տակ», գրում է օրաթերթը:
Առաջարկվող Նորություններ
Երբ Հայաստան կայցելի Քըլըչը․ «Հրապարակ»...
2024-04-17
