Հուլիսի Աքարը խոսել է Արցախյան պատերազմի ու ցեղասպանության ճանաչման մասին
Թուրքիայի պաշտպանության նախարար Հուլուսի Աքարը Լիբիա կատարած այցի ժամանակ, խոսելով Արցախի մասին, հաստատեց, որ Թուրքիան մասնակցել է պատերազմին՝ Ադրբեջանի կողմից, հայտնում է Инфотека 24-ը:
Աքարը ասաց. «Ադրբեջանն ազատագրեց Ղարաբաղը, այնտեղ խաղաղություն և հանգստություն հաստատեց: Մենք աջակցեցինք նրանց և պաշտպանեցինք նրանց արդար դատը: Դրանից հետո մենք նրանց հետ միասին կկանգնենք մինչև վերջ »:
Անդրադառնալով Հայոց ցեղասպանության թեմային ՝ թուրք նախարարը կրկին փորձեց խեղաթյուրել պատմական փաստերը ՝ ասելով. «Թուրք-հայկական հասարակության մեջ, որը դարեր շարունակ ապրել է կողք կողքի, 1915-ի որոշ դեպքեր ցեղասպանություն անվանելը անփութություն է, տգիտություն, զառանցանք: Դա նաև հարված է տարածաշրջանում խաղաղություն և կայունություն ապահովելու և բարիդրացիական հարաբերություններ հաստատելու ջանքերին: Պատմաբանները պետք է լուծեն այս հարցը », - նշելով, որ Թուրքիան պատրաստ է իր արխիվները բացել պատմաբանների առջև:
«Ինչ վերաբերում է Միացյալ Նահանգներին, ապա թող նախ նայեն Ամերիկյան ազգային արխիվի փաստաթղթերը», - հավելեց Աքարը:
Թարգմանություն՝ Մելինե Մարկոսյան
Առաջարկվող Նորություններ
