Արցախը մեր հողն է, այդ հողի մեջ մեր զարկերակն է, հորդորում եմ զերծ մնալ անխնա ծառահատումներից. Ռոմանոս Պետրոսյան
14/11/2020
Հայրենիքը, ինչպես և բնությունը՝ հավերժ են...
Սիրելի՛ հայրենակիցներ, հարազատնե՛ր,
Բոլորս հիմա չափազանց զգացմունքային ենք ու անհաշտ՝ այս ցավալի իրողության հետ, բայց Արցախը մեր հողն է, այդ հողի մեջ մեր զարկերակն է:
Հորդորում եմ ձեզ՝ խնայել մեր երկրի աստվածատուր ու դրախտային բնությունն ու զերծ մնալ անխնա ծառահատումներից:
Մենք շարունակելու ենք ապրել Արցախում, եւ մենք մի օր անպայման վերադառնալու ենք, բուժելու ենք մեր վիրավոր հողի վերքերը, վերակառուցելու ենք, ապրելու եւ արարելու ենք մեր չքնաղ Քարվաճառում:
Քարվաճառը հավերժ հայկական է:
Մենք բարբարոս չե՛նք, մի՛ արեք այսպես, խնդրում եմ...
