Brussels Airlines-ի՝ դեպի Երևան թռչող ինքնաթիռը կայծակի հարվածի պատճառով վերադարձել է Բրյուսելի օդանավակայան
29/12/2021
Դեկտեմբերի 28-ին Brussels Airlines-ի դեպի Երևան SN2899 չվերթն իրականացնող ինքնաթիռը վերադարձել է Բրյուսելի օդանավակայան՝ օդանավին կայծակի հարվածի պատճառով, գրում է aviation24.be կայքը՝ մանրամասնելով, որ ինքնաթիռը եղել է ամբողջովին ամրագրված (180 ուղևոր):
Կայծակը հարվածել է այն ժամանակ, երբ փոխադրամիջոցը գտնվել է 7 կմ բարձրության վրա՝ Լյուքսեմբուրգի Մեծ Դքսության երկնքում: Օդաչուներն անմիջապես որոշել են վերադառնալ Բրյուսելի օդանավակայան:
Արդյունքում թռիչքը հետաձգվել է 24 ժամով, իսկ ուղևորները տեղավորվել են մոտակա հյուրանոցներում։