Մարտակերտում վերականգնվել է որոշ ենթակառուցվածքների աշխատանքը
Ադրբեջանի զինուժը հոկտեմբերի 19-ի առավոտյան կրկին թիրախավորել է Արցախի Մարտակերտ քաղաքը ու հարակից խաղաղ բնակավայրերը: «Արմենպրես»-ը հայտնում է, որ շրջկենտրոնում հաջողվել է վերականգնել որոշ ենթակառուցվածքների աշխատանքը:
«Այսօր առավոտվանից հակառակորդը կրկին թիրախավորել է Մարտակերտ քաղաքը և հարակից բնակավայրերը` համեմատաբար ոչ ինտենսիվ ձևով՝ հրթիռակոծելով բնակելի շենքեր, տներ, հասարակական օբյեկտներ, ճանապարհներ»,- ասել է լրագրողը:
Նա հայտնեց,որ այս պահի դրությամբ հարաբերական հանգիստ է:
«Նշեմ, որ քաղաքում այս պահին կա հոսանք, սակայն գազ դեռ չկա: Բնակչությունը ապահովված է սննդով և առաջին անհրաժեշտության պարագաներով: Բնակչությունն ապրում է առանց ընկճվածության, ամենքը ձգտում են ինչով կարող են օգտակար լինել մարտիկներին»,-նշեց թղթակիցը:
Լրագրողը հավելեց նաև, որ տների վնասվածքները այդքան շատ չեն , քաղաքապետը պետք է շրջայց կատարի և ճշտի վնասի չափերը:
