Նիդերլանդների խորհրդարանում ՀՀ և ԼՂ հարցով երկու փաստաթուղթ է ընդունվել
Նիդերլանդների խորհրդարանը Լեռնային Ղարաբաղի իրավիճակի վերաբերյալ վերջին քննարկումների արդյունքում ձայների մեծամասնությամբ ընդունել է երկու առաջարկ՝ մեկը Հայաստանին ռազմական աջակցության, մյուսը՝ Լեռնային Ղարաբաղում էթնիկ զտումների վերաբերյալ:
Ռազմական աջակցության առաջարկի մեջ նշվում է, որ Ադրբեջանը Լեռնային Ղարաբաղում ստեղծված իրավիճակից հետո հայտարարել է Հայաստանի վրա հարձակման հետագա ծրագրերի մասին: Խորհրդարանականները խնդրել են կառավարությանը կոչ անել ԵՄ անդամ մյուս պետություններին դրական արձագանքել Հայաստանի կողմից ռազմական աջակցության հնարավոր խնդրանքին:
Խորհրդարանը, հաշվի առնելով ՄԱԿ-ի էթնիկ զտումների սահմանումը, երկրորդ առաջարկով կառավարությանը խնդրում է նաև որոշել, թե արդյոք դա վերաբերում է 9 ամսից ավելի շրջափակումից հետո Լեռնային Ղարաբաղից հայերի բռնագաղթին և անկլավի վրա հարձակմանը:
