Ախալքալաքի շրջանի Տուրցխի լճում ձկները զանգվածային սատկել են
Վրաստանի Տուրցխ գյուղի արհեստական լիճ-ջրամբարը, որը անասուններին ապահովում է ջրով և մասնակի նաև ոռոգումը, ցամաքում է՝ պատճառը մեկը չէ: Այս մասին հայտնում է Jnews-ը։
Մարդիկ մի կողմից այնտեղից ջուր են վերցնում ոռոգման համար, մյուս կողմից՝ գյուղում կասկածում են, որ ջրամբարում անցքեր են առաջացել, որոնց միջոցով ջուրը ներծծվում է գետնի տակ:
Ֆեյսբուքյան օգտատեր Արսեն Կարապետյանը տեղադրել է լուսանկար և տեսանյութ, որտեղ երևում է, որ ծանծաղ լճում ձուկ է սատկել: Ձկները տարբեր են և տարբեր չափերի: Դատելով տեսանյութից՝ լճի ջրի մակարդակը կտրուկ նվազել է, ինչն էլ ձկների անկման պատճառն է դարձլ:
Գյուղում քաղաքապետի ներկայացուցիչ Աննա Հևենյանն ասում է, որ ինքն այսօր լճի մոտ չի եղել և չի տեսել իրավիճակը, բայց այն իրականում շատ խնդրահարույց է:
Տուրցխում կա երկու ջրամբար՝ «Վերին» և «Ստորին»: Վերին, մեծ ջրամբարը լցվում է հիմնականում ձնհալի ջրով: Այս ջրամբարը կառուցվել է մոտ 40 տարի առաջ: Այս ջրամբարից լցնում են «Ստորինը», որը հիմնականում ծառայում է անասուններին ջրելու համար, ինչպես նաև պոմպերով ջուրը մղում են ոռոգման համար :
Այս տարի ջուրն այնպես էլ քիչ էր, բայց այն շատ արագ կորցրեց իր մակարդակը: Նմանատիպ իրավիճակ եղել էր նախկինում, գյուղացիները գտել և փակել էին այն տեղերը, որտեղից ջուրը ներծծվում էր գետնի տակ: Գյուղացիները կարծում են, որ այս տարի էլ խնդիրը նույնն է: Անցյալ տարի ջրամբարը խորացվել էր` ավելի շատ ջուր տեղավորելու համար, ըստ ամենայնի, անցքերը կրկին բացվել են:
Գյուղացիներն էին ձկներին բաց թողել ջրամբար, որպեսզի գնային այնտեղ և ձուկ որսային: Աննա Ղևենյանի խոսքով՝ իրենք չգիտեին, որ ջրամբարում այդքան ձուկ կա:
Ամեն տարի ջրամբարի համար պատասխանատուն այնքան ջուր էր թողնում այնտեղ, որ ձկները չսատկեին: Ինչպես ասում է քաղաքապետի ներկայացուցիչը, այս տարի պատասխանատուն փակել է այն ջրանցքները, որոնցով ջուրը դուրս էր հոսում ջրամբարից, սակայն ջրի մակարդակն այնուամենայնիվ նվազել է:
«Մեզ մոտ ձևավորվել է շատ բարդ իրավիճակ: Անասունները խմելու ջուր չունեն, դաշտերը ոռոգելու համար էլ չկա ջուր, խմելու ջուրը նույպես քչացել է: Չգիտեմ ինչ ենք անելու: Մելիորատիվ ընկերությունը խոստացել է, որ մեզ ոռոգման ջուր կտա, բայց ես կասկածում եմ, որ այն մինչև մեզ կհասնի, մեր ջրանցքում ջուրը արտահոսում է ինքնահոսով և չի հասնում մեզ », – ասում է Աննա Ղևենյանը:
Մանրամասն՝ սկզբնաղբյուրում։
