Հունաստանի դեմ Թուրքիայի հռետորաբանությունն աճում է
05/09/2020
Թուրքիայի նախագահ Ռեջեփ Թայիփ Էրդողանն այսօր Հունաստանին զգուշացրել է համաձայնել մասնակցել Միջերկրական ծովի արևելյան հատվածում վիճահարույց խնդրի կարգավորմանը միտված բանակցություններին, հակառակ դեպքում երկիրը կառերեսվի լուրջ հետևանքների հետ: Այս մասին գրում է Al Arabiya-ն:
«Նրանք կա՛մ կհասկանան քաղաքականության ու դիվանագիտության լեզուն, կա՛մ մարտադաշտում կբախվեն ցավոտ գործողությունների»,- հայտարարել է Թուրքիայի նախագահը:
Հիշեցնենք, որ Թուրքիայի ու Հունաստանի միջև լարվածությունը խորացել է Միջերկրական ծովի արևելքի վիճահարույց ջրերում էներգակիրների հորատման իրավունքի պատճառով: Հակամարտող կողմերը ռազմածովային ուժեր են տեղակայել այդ ջրերում՝ ցույց տալով իրենց իրավունքներն այդ տարածաշրջանում: