Թագուհի Թովմասյանը լքում է «Իմ քայլը» խմբակցությունը
16/11/2020
ԱԺ պատգամավոր Թագուհի Թովմասյանը ֆեյսբուքյան իր էջում գրել է, որ դուրս է գալիս «Իմ քայլը» խմբակցությունից։
«Առավոտյան կներկայացնեմ ԱԺ «Իմ քայլը» խմբակցությունից դուրս գալու դիմում։ Մեր քաղաքական թիմը սխալը սխալի հետևից է անում։ Փոխանակ մեր սխալները գիտակցենք և շտկենք, իրավիճակը մեղմենք երկխոսությունով, փորձենք այդպես կայունացնել լարվածությունը մեր երկրում, հակառակը՝ պետության հիմքերը խարխլող քայլեր ենք անում։ Մնացածի մասին կխոսեմ ԱԺ ամբիոնից»,- ասված է պատգամավորի գրառման մեջ։
Ավելի վաղ մանդատը վայր դնելու մասին հայտարարեց նույն խմբակցության պատգամավոր Գայանե Աբրահամյանը։