Պետք է կարգավորել կապը երկու կողմի հետ, որպեսզի իրավիճակն ազատվող տարածքներում լինի կայուն․ Պուտին
Վլադիմիր Պուտինը տարածաշրջանում ռուսական առաքելության թեմայով հանդիպման ժամանակ ասաց, որ հայկական զորամիավորումների դուրս բերումից հետո, օրինակ՝ Աղդամում կամ Լաչինում, դեռևս մնում են քաղաքացիներ՝ հայեր:
«Պարզ է, որ մեր ուժերը տեղակայված են բաժանման գծով, և դուք լավ հարաբերություններ ունեք հայկական և ադրբեջանական կողմերի հետ էլ: Այո´, նրանք հակամարտող կողմեր են, բայց հակամարտությունն ավարտվեց: Նրանք քաղաքակիրթ մարդիկ են, և ես գիտեմ, որ նրանց տրամադրվածությունն ընդհանուր առմամբ բարյացակամ է:
Պետք է կարգավորել կապը երկու կողմի հետ, տվյալ դեպքում՝ նաև ադրբեջանական կողմի, որպեսզի իրավիճակն ազատվող տարածքներում լինի կայուն և այնպիսին, որը պայմաններ կստեղծի երկու ազգությունների ներկայացուցիչների համատեղ կյանքի համար՝ առանց կենցաղային կոնֆլիկտների:
Դա, իհարկե, ամբողջությամբ ադրբեջանական կողմի պարտավորությունն է, բայց ես գիտեմ Ադրբեջանի նախագահի տրամադրվածության մասին: Նա հենց այդպիսի մոտեցումներով էլ ցանկանում է իրականացնել հետագա աշխատանքները: Սակայն, առաջին փուլում դուք նույնպես պետք է շփում հաստատեք երկու կողմի հետ, որպեսզի տիրապետեք տեղի ունեցող իրադարձությունների վերաբերյալ տեղեկություններին և ժամանակին փոխանակեք դրանք ինչպես հայկական, այնպես էլ ադրբեջանական կողմի հետ»,- ասաց ՌԴ նախագահը։
Փոխանցում է 1Lurer.am-ը:
