Երկրաշարժը Կասպից ծովում սողանքի պատճառ է դարձել Բաքվում
29/01/2021
Կասպից ծովում տեղի ունեցած երկրաշարժը հանգեցրել է սողանքի ակտիվացման է հանգեցրել Բադամդարում: Ադրբեջանական լրատվամիջոցները հայտնում են, որ այս մասին հայտարարել է Արտակարգ իրավիճակների նախարարության Շինարարության անվտանգության վերահսկողության պետական գործակալության պետի տեղակալ Էլխան Ասադովը:
«Սողանքի արդյունքում վնասվել է երկու առանձնատուն եւ հասարակական սննդի օբյեկտ, որի գործունեությունը կասեցվել է Արտակարգ իրավիճակների նախարարության կողմից»,- ասել Է. Ասադովը:
Նախօրեին երեկոյան Կասպից ծովում 4.5 բալ ուժգնությամբ երկրաշարժ էր տեղի ունեցել: Ստորգետնյա ցնցումները գրանցվել էին 60 կիլոմետր խորության վրա: Երկրաշարժն ափամերձ շրջաններում զգացվել էր մինչեւ 3 բալ ուժգնությամբ:
Սողանքի հետեւանքով զոհեր չկան: