Կրասնոդարի երկրամասում 32-ամյա տղամարդը սպանել է իր 26-ամյա ընկերուհուն, որից հետո նա առանձնակի դաժանությամբ է վարվել նրա իննամյա եղբոր հետ և սպանել:
Այս մասին հայտնում է «ՌԻԱ Նովոստի» լրատվական գործակալությունը։
Քննչական կոմիտեն քրեական գործ է հարուցել, իսկ կասկածյալին որոնում են, «ՌԻԱ Նովոստիին» հայտնել են գերատեսչության մամուլի ծառայությունից:
Ըստ քննչական կոմիտեի՝ զույգն ապրում էր Արմավիր քաղաքում ՝ Ռոզա Լյուքսեմբուրգի փողոցում՝ վարձով բնակարանում: Դեկտեմբերի 10-ի կեսօրին խանդի հողի վրա տեղի ունեցած վիճաբանության ժամանակ տղամարդը բազմաթիվ մահացու հարվածներ է հասցրել աղջկա գլխին: Երբ նա մահացել է, կասկածյալը մարմինը տարել է զուգարան և ձայնագրել ինը րոպեանոց տեսանյութ:
Դրանում նա զայրույթով խոստովանել է իր ընկերուհու սպանությունը, խոսել նրանց հարաբերությունների մասին և հայտարարել, որ կխեղի նրա եղբորը և կսպանի, ապա ասել, որ ինքնասպան կլինի: Այս ամենից հետո նա իրեն անվանել է «ադեկվատ»:
«Ես սթափ եմ: Ես չգիտեմ, թե ինչ է պատահել ինձ հետ: Սպանել եմ նրան, որովհետև մի քանի անգամ խփեցի և հասկացա, որ մահացել է, հետդարձ չկա»,- ասել է նա։
Տղամարդը գրառումը տեղադրել է համացանցում:
Դրանից հետո նա գնացել է Կուրգանինսկի շրջանի Նովոալեկսեևսկայա գյուղ, որտեղ սպանել է աղջկա կրտսեր եղբորը: Այնուհետև տղամարդը եկել է Տուապսեի շրջանի Ջուբգա գյուղ, մեքենան թողել ծովափի մոտ և անհետացել:
Ողբերգության վայրում աշխատում են քննիչները և քրեագետները:
«Ինֆոտեկա 24»-ն էլ հայտնում է, որ սպանության համար մեղադրվողը ադրբեջանցի Ակշին Հուսեյնովն է։
