«Հետկոնֆլիկտային շրջանում հայկական քարոզչությունը ցավալի և վտանգավոր է». Ադրբեջանի ԱԳՆ խոսնակ
16/01/2022
Ադրբեջանի ԱԳՆ մամուլի ծառայության ղեկավար Լեյլա Աբդուլաևան անդրադարձել է 32 տարի առաջ այս օրերին Բաքվում հայերի զանգվածային ջարդերին, որոնց հետևանքով Ադրբեջանական ԽՍՀ-ում ապրող հայ բնակչություն ոչնչացվեց և բռնի տեղահանվեց:
Աբդուլաևան ասել է, որ Բաքուն ՛՛ցավալի և վտանգավոր է համարում հետկոնֆլիկտային շրջանում հայկական քարոզչությունը՛՛:
Նրա խոսքով՝ ՛՛պատմությունները, ըստ որոնց հայերը հալածվում են, դարձել են հայկական ազգայնականության գաղափարական հիմքը և հանգեցրել Ադրբեջանի նկատմամբ տարածքային պահանջների՛՛:
Նշենք, որ հունվարի 14-ին ՀՀ ԱԳՆ-ն Բաքվի ջարդերի վերաբերյալ հայտարարություն էր տարածել՝ նշելով, որ Բաքվի ջարդերով ավարտին հասցվեց Ադրբեջանի հայաթափման գործընթացը:
