«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Այն բանից հետո, երբ համացանցում հայտնվեց Ղազանչեցոց տաճարի լուսանկարը, որը ցույց էր տալիս, որ ադրբեջանցիները հեռացրել են եկեղեցու գմբեթը, ադրբեջանական «agitprop» մեքենան անմիջապես անցավ հակահարձակման՝ նշելով, որ իբր «սովետական ​​ժամանակներում գմբեթ չկար, հայերը դա ավելի ուշ են ստեցծել»:
1911 թվականի արխիվային լուսանկարում ինչպես տեսնում ենք, գմբեթը տեղում է: Այն ադրբեջանցիները հեռացրել են 1920-ի մարտին Շուշիում հայ բնակչության կոտորածից հետո, հայտնում է Karabakh Records տելեգրամյան ալիքը:
1992-ի մայիսին Շուշի քաղաքի ազատագրումից հետո տաճարի վրա կանգնեցվեց գմբեթի ճշգրիտ օրինակը, ինչպես դա եղել էր մինչև ադրբեջանական օկուպացիան:
Այժմ իբր Ադրբեջանը տաճարի «վերակառուցում» է իրականացնում, որի արդյունքում նրանք փորձում են խեղաթյուրել հայկական տաճարի ճարտարապետությունը:
Տեսանյութում կարող ենք տեսնել նաև Շուշիի արխիվային այլ լուսանկարներ, որտեղ տեսանելի են նաև Ղազանչեցոց գմբեթները:
Թարգմանություն՝ Մելինե Մարկոսյան