Ադրբեջանի թիվ մեկ խնդիրն է վերացնել Եռակողմ հայտարարությունը. Փաշինյան
Որպես էսկալացիայի պատրվակ Ադրբեջանը շարունակ օգտագործում է Լաչինի միջանցքի նր երթուղու հարցը։
Այսօր ՀՀ կառավարության հերթական նիստում, անդրադառնալով Արցախում սրված իրավիճակին, ասաց ՀՀ վարչաետ Նիկոլ Փաշինյանը։
«Իբր, ինքն ավարտել է Լաչինի միջանցքի նոր երթուղու կառուցման աշխատանքները, և, հետևաբար, Լաչինի միջանցքի որոշ հատվածներ պետք է հանձնվեն իր հսկողությանը։ Ադրբեջանի նման ձևակերպումն ու հայտարարությունները 2020թ–ի նոյեմբերի 9-ի եռակողմ հայտարարության կոպիտ խախտում են»,– ասաց Փաշինյանը վկայակոչելով հիշյալ հայտրարության 6-րդ կետը, որտեղ ասվում է, որ Լաչինի միջանցքով երթևեկության նոր երթուղում կառուցման պլանը պետք է որոշվի մինիչև 2023թ–ի նոյեմբերի 9-ը այդ երթուղում պաշտպանության համար ՌԴ խաղաղապահ կոնտինգենտի հետագա վերատեղաբաշխմամբ։
Առաջարկվող Նորություններ
