Չինաստանը դեմ է Ղազախստանի անվտանգությանը և խաղաղությանը սպառնացող ցանկացած ուժերի
07/01/2022
Չինաստանը վճռականորեն դեմ է հանդես գալիս Ղազախստանում անկարգություններ ստեղծող, գունավոր հեղափոխություն հրահրող արտաքին ուժերին, այս մասին ուրբաթ օրը ղազախ պաշտոնակցին հղած իր ուղերձում հայտարարել է Չինաստանի նախագահ Սի Ծինփինը։
Ղազախստանի հարևան երկրի դիվանագիտական գերատեսչությունն էլ հայտարարել է, որ Պեկինը պատրաստ է Ղազախստանի հետ միասին շարունակել սահմանամերձ շրջաններում հանդարտության պահպանումը:
«Չինական կողմը պատրաստ է ղազախական կողմի հետ միասին շարունակել սերտ համագործակցությունը սահմանամերձ շրջաններում խաղաղությունը միասին պահպանելու, սահմանամերձ շրջանների զարգացմանը նպաստելու համար»,- ՏԱՍՍ գործակալության հարցմանն ի պատասխան` հայտարարել է Չինաստանի արտգործնախարարությունը:
