Հարավային Օսիայի նախագահի ընտրությունները կայացած են ճանաչվել
Հարավային Օսիայի Հանրապետության նախագահի ընտրությունները, որոնք տեղի են ունենում կիրակի օրը, կայացած են ճանաչվել, ընտրողների մասնակցությունը գերազանցել է 50 տոկոսը, ՏԱՍՍ-ին հայտնել է Կենտրոնական ընտրական հանձնաժողովի ներկայացուցիչ Իգոր Չոչիևը:
Ընտրությունները պետք է կայացած համարվեն, եթե քվեարկությանը մասնակցի ընտրացուցակներում ընդգրկված քաղաքացիների 50 տոկոսը, գումարած մեկ ընտրող:
«Ընտրությունները կայացել են, մասնակցությունը բարձր է՝ ավելի քան 50 տոկոս»,- ասել է Չոչիևը:
Հարավային Օսիայի ԿԸՀ-ն մարտի 15-ին ավարտել է նախագահի թեկնածուների գրանցումը: Հանրապետության բարձրագույն պետական պաշտոնին հավակնում են ներկայիս ղեկավար Անատոլի Բիբիլովը, խորհրդարանի փոխխոսնակ Ալեքսանդր Պլիևը, «Նիխաս» քաղաքական կուսակցության առաջնորդ Ալան Գագլոևը, պատգամավոր Հարի Մուլդարովը և նախկին պատգամավոր Դմիտրի Տասոևը:
