ՃՏՊ Գառնի գյուղ տանող ավտոճանապարհին
29/11/2020
Նոյեմբերի 29-ին, 12։30-ին Ճգնաժամային կառավարման ազգային կենտրոն ահազանգ է ստացվել, որ «Առինջ Մոլ» առևտրի կենտրոնից դեպի Գառնի գյուղ տանող ավտոճանապարհին տեղի է ունեցել ՃՏՊ․ բախվել են ավտոմեքենաներ, կա տուժած։ Այս մասին հայտնում են ԱԻՆ-ի տեղեկատվական ծառայությունից:
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են «BMW E46» և «Mercedes C» մակնիշների ավտոմեքենաները (վարորդների տվյալները պարզել չի հաջողվել)։
Փրկարարները հոսանքազրկել են ավտոմեքենաները, փակել գազի բալոնների փականները և տուժածներին մոտեցրել շտապօգնության ավտոմեքենային, ովքեր հոսպիտալացվել են Աբովյան քաղաքի ԲԿ։
Աղբյուր` Փաստինֆո