Իրանի Մեջլիսը կքննարկի Հայաստանի և Ադրբեջանի սահմանին վերջին սրացումը
19/09/2022
Հայաստանի և Ադրբեջանի սահմանին տիրող լարվածությունը կքննարկվի Իրանի խորհրդարանի արտահերթ նիստում։ Այս մասին հայտարարել է Իրանի խորհրդարանի ազգային անվտանգության եւ արտաքին քաղաքականության հանձնաժողովի նախագահ Վահիդ Ջալալզադեն։
Նա ասել է, որ չորեքշաբթի կկայանա Հայաստանի և Ադրբեջանի հիմնախնդիրների վերաբերյալ կարևոր և արտահերթ հանդիպում։
Վահիդ Ջալալզադեի խոսքով՝ իրենք լրջորեն մտահոգված են ադրբեջանա-հայկական սահմանին տեղի ունեցող իրադարձություններով։
«Մենք այդ հարցը քննարկել ենք երկրի բարձրաստիճան պաշտոնյաների հետ։ Խնդրում ենք երկրի Ազգային անվտանգության բարձրագույն խորհրդին, ինչպես նաև արտաքին գործերի նախարարությանը լուրջ վերաբերվել այս հարցերին»,- ասել է իրանցի քաղաքական գործիչը։
