Պուտինը հեռախոսազրույց է ունեցել Աբու Դաբիի թագաժառանգի հետ
Ռուսաստանի նախագահ Վլադիմիր Պուտինը և Աբու Դաբիի թագաժառանգ Մուհամեդ բեն Զայեդ Ալ Նահյանը հեռախոսով քննարկել են Ռուսաստանի և Արաբական Միացյալ Էմիրությունների միջև համագործակցության արդի հարցերը, այս մասին երեքշաբթի հայտնել է Կրեմլի մամուլի ծառայությունը։
«Քննարկվել են ռուս-էմիրաթական համագործակցության արդի հարցերը։ Բարձր գնահատական է տրվել քաղաքական, առևտրային, տնտեսական և այլ ոլորտներում փոխգործակցության ձեռք բերված մակարդակին։ Միջազգային կազմակերպությունների, առաջին հերթին ՄԱԿ-ի շրջանակներում կառուցողական համատեղ աշխատանքի կարևորությունը։ Նշվել է, որ փոխադարձ տրամադրվածություն է արտահայտվել երկկողմ ռազմավարական հարաբերությունների գործընկերության հետագա համակողմանի զարգացման համար»,- ասված է հաղորդագրության մեջ։
Կողմերը հայտնել են իրենց փոխադարձ հակվածությունը երկկողմ ռազմավարական գործընկերության հարաբերությունների հետագա համակողմանի զարգացմանը և պայմանավորվել շարունակել փոխգործակցությունն ու շփումները տարբեր մակարդակներում։
Պուտինը Աբու Դաբիի թագաժառանգի հետ քննարկել է OPEC+-ի շրջանակներում պայմանավորվածությունների կատարման հարցը։
Աբու Դաբիի թագաժառանգը Պուտինի հետ զրույցում հայտարարել է ազգային անվտանգությունն ապահովելու Ռուսաստանի իրավունքի մասին։
«Դիտարկվել է Ուկրաինայի շուրջ ստեղծված իրավիճակը։ Վլադիմիր Պուտինը մանրամասն ներկայացրել է Դոնբասի պաշտպանության ռուսական հատուկ ռազմական գործողության պատճառները, նպատակներն ու խնդիրները»,- նշել են Կրեմլից։
