Ասկերանի Խրամորթ համայնքը շրջկենտրոնին կապող նոր ավտոճանապարհ է կառուցվում
Արցախի Ասկերանի շրջանում մեկնարկել են Խրամորթ համայնքը շրջկենտրոնին կապող նոր ավտոճանապարհի շինարարական աշխատանքները։ Այս մասին տեղեկացնում է Արցախի Հանրապետության քաղաքաշինության նախարարության ֆեյսբուքյան էջը:
Ճանապարհի շինարարությունն իրականցվում է ռուսական խաղաղապահ առաքելության ներկայացուցիչների անմիջական մասնակցությամբ, որոնք ապահովում են աշխատանքների անվտանգ իրականացումը։
Ավտոճանապարհի երկարությունը կազմելու է ավելի քան 3.5 կմ։ Մինչև տարեվերջ ավարտին կհասցվեն հողային աշխատանքների փուլը։
«Հետպատերազմյան շրջանում՝ ելնելով առկա իրողություններից, նոր ճանապարհի կառուցումը մեծ կարևորություն ունի, քանի որ այն ոչ միայն կիրառվելու է ռուս խաղաղապահ զորակազմի կողմից որպես երթուղի, այլև Խրամորթ համայնքի բնակիչների համար հանդիսանալու է համայնքի և Ասկերան քաղաքի միջև հաղորդակցության ավելի անվտանգ ճանապարհ»,- ասված է նախարարության գրառման մեջ։
