«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

Էմոցիաները էստեղ երբեմն խանգարում են, որպեսզի մենք տեսնենք իրական աշխատանքային պրոցեսը, իսկ աշխատանքային պրոցեսը մեկն է, կա նոր դասագրքեր, նոր դասագրքերը, ըստ էության անցնում են փորձարկում, որի ընթացքում ի հայտ են գալիս փոփոխությունների կարիք, որը նորմալ աշխատանքային պրոցես է: Այս մասին այսօր՝ դեկտեմբերի 27-ին, տարեվերջյան ասուլիսի ժամանակ հայտարարեց ՀՀ ԿԳՄՍ նախարար Ժաննա Անդրեասյանը։

««Հայոց պատմություն» դասագրքի մասով նախարարությունը զբաղվել է հենց սկզբից և զբաղվել է դեռևս մինչ այն պահը, երբ հարցերը սկսեցին հնչել հանրային տիրույթում:

Մենք հենց սկզբից, հասկանալով, որ բոլոր դասագրքերը առաջին անգամ են մուտք գործում դպրոցներ, հեղինակների հետ աշխատանքի պայմանավորվածություն ունեցել ենք, որ պետք է անընդհատ կապ մեջ լինեն, և հավաքագրեն բոլոր այն խնդիրները, որ բարձրանում են և մեզ ներկայացնեն և անհրաժեշտ լրամշակումների ծավալը, որ կա, որոնք պետք է 2-րդ կիսամյակին արված լինեն: Բոլոր նոր 30 դասագրքերի մասով այդ աշխատանքը արվել է:

Ինչ վերաբերվում է «Հայոց պատմություն» 7-րդ  դասարանի դասագրքին, քանի որ հանրային որոշակի հնչեղություն ստացավ և կային նաև մասնագետներ, որոնք՝ ոչ հանրային դիմել են հենց սկզբից նախարարություն և եկել են և ներկայացրել են իրենց մասնագիտական դիտարկումները:

Հիմա սպասում ենք հեղինակների կողմից ամբողջական անդրադարձի, այսինքն լինելու է մի աղյուսակ, որտեղ լինելու է դասագրքի վերաբերյալ հնչած բոլոր դիտարկումները, հեղինակի արձագանքը դրան՝ ընդունել է, թե չի ընդունել, և հիմնավորումը, ինչու է ընդունել և ինչու չի ընդունել: Հիմնավորումները պետք է լինել փաստարկված և մասնագիտական դաշտում:

Այնուհետեւ պայմանավորվել ենք, որ այդ ամփոփաթերթը հասանելի կլինի բոլորին, որոնք դիտարկումներ են ներկայացել, որպեսզի իրենք տեսնենք, թե հեղինակն ինչպես է արձագանքել և նախարարությունն այդ ամբողջական փաստաթուղթը կուղարկի երրորդ անկախ կարծիքի, որպեսզի որպես նախարարություն ունենանք մասնագիտական վերջնական եզրակացություն արվելիք փոփոխությունների և դրանց նպատակահարմարության մասին»,- ասաց Ժաննա Անդրեասյանը։