«ԶՈՐԱՎԱՐ ՍԵՊՈՒՀ» ՊԱՏՄԱՔԱՂԱՔԱԿԱՆ ՎԵՐԼՈՒԾԱԿԱՆ ԿԵՆՏՐՈՆԻ ՊԱՇՏՈՆԱԿԱՆ ԿԱՅՔ

WION տեղեկատվական պորտալում գրված իր հոդվածում նախկին հնդիկ դիվանագետ Աչալ Մալհոտրան անդրադարձել է ԱՄՆ նախագահ Ջո Բայդենի կողմից Հայոց ցեղասպանության ճանաչման խնդրին, հաղորդում է Инфотека 24:
Նա դա հիմնականում պայմանավորեց ԱՄՆ-ի և Թուրքիայի հարաբերությունների անկմամբ և Բայդենի վարչակազմի կողմից մարդու իրավունքներին ամուր նվիրվածությամբ: Դիվանագետի կարծիքով, ԱՄՆ նախագահի կողմից Հայոց ցեղասպանության ճանաչումը մեծապես կնպաստի ընդհանուր առմամբ ճանաչման գործընթացի ակտիվացմանը:
«Չնայած Հնդկաստանը այս ամբողջ ընթացքում չի ճանաչել Հայոց ցեղասպանությունը, բարձրաստիճան պաշտոնյաները, ովքեր պաշտոնական այցով գտնվում են Հայաստանում, այցելում են ցեղասպանության հուշահամալիր` հարգելու Հայոց ցեղասպանության զոհերի հիշատակը: Օրինակ ՝ Հնդկաստանի փոխնախագահ Համիդ Անսարին 2017-ին, փոխնախագահ Բհայրոն Սինգհ Շեխավաթը ՝ 2005-ին»:
Հաշվի առնելով այն փաստը, որ Թուրքիան ժամանակ առ ժամանակ անընդմեջ հայտարարություններ է անում Հնդկաստանի համար Քաշմիրի վերաբերյալ, Աչալ Մալհոտրան վստահ է, որ Հնդկաստանը պետք է «օգտագործի Հայոց ցեղասպանության խնդիրը որպես դիվանագիտական ​​զենք, որպեսզի Թուրքիային հետ պահի իր չարդարացված միջամտությունից»:
«Եվ եթե Թուրքիան հրաժարվի իր պարկեշտ պահվածքից, Հնդկաստանը կարող է վերանայել իր դիրքորոշումը Հայոց ցեղասպանության հարցում», - եզրափակել է դիվանագետը:
Թարգմանություն՝ Մելինե Մարկոսյան