Ճապոնիայի օդանավակայանում հայտնված կրիայի պատճառով 5 ինքնաթիռ ուշացել է թռիչքից
28/09/2021
Ճապոնիայի՝ զբաղվածությամբ երկրորդ օդանավակայանում հինգ ինքնաթիռի թռիչք ուշացում է մեկնարկել՝ թռիչքուղում զբոսնող կրիայի պատճառով:
Ինչպես տեղեկացնում է The Guardian-ը, 2 կգ կշռող կենդանուն նկատել են Տոկիոյի մոտակայքում գտնվող «Նարիտա» միջազգային օդակայանում՝ ասֆալտով դանդաղ անցնելիս: Դա ստիպել է թռիչքի պատրաստվող օդաչուին կապ հաստատել երթևեկությունը կարգավորող անձնակազմի հետ:
Աշխատակիցները հեռացրել են կրիային ցանցի օգնությամբ և ստուգել 4000 մետր երկարությամբ թռիչքուղին՝ վստահ լինելու համար, որ այնտեղ այլ օտար առարկաներ չկան: Կրիայի հետ կապված միջադեպի հետևանքով 5 օդանավ 15 րոպե ուշացումով է օդ բարձրացել:
