Դմիտրի Մեդվեդևն առաջին անգամ խոսել է Արցախի վրա ադրբեջանական հարձակման մասին
28/09/2020
Ռուսաստանի ԱԽ փոխնախագահ Դմիտրի Մեդվեդևը կարծում է, որ ԼՂ հակամարտությունը չպետք է լուծվի ուժով, կարգավորումը պետք է լինի բացառապես քաղաքական-դիվանագիտական միջոցներով: Այս մասին փոխանցում է ՌԻԱ Նովոստին:
«Լեռնային Ղարաբաղի գոտում լարվածության նոր դրսևորումը հանգեցրել է արյունահեղության, մարդկային զոհերի»,-գրել է նա սոցկայքի իր էջում:
Մեդվեդևը հայտարարել է, որ պետք է օգտագործել բոլոր հնարավորությունները Լեռնային Ղարաբաղում ճգնաժամը հաղթահարելու համար՝ ինչպես ԵԱՀԿ ՄԽ-ի շրջանակներում, այնպես էլ Ռուսաստանի հետ երկկողմ հարաբերությունների ֆորմատում՝ հաշվի առնելով այն, որ Հայաստանն ու Ադրբեջանը Ռուսաստանի հարևաններն ու մոտ գործընկերներն են:
