ՀԱՊԿ-ը հույս ունի, որ Հայաստանի իշխանությունները կազմակերպության նկատմամբ քաղաքական սթափություն կդրսևորեն․ Տասմագամբետով
Հավաքական անվտանգության պայմանագրի կազմակերպությունը (ՀԱՊԿ), չնայած Հայաստանի էլիտաների մտահոգիչ տրամադրություններին, հույս ունի, որ երկրի ղեկավարությունը քաղաքական սթափություն կդրսևորի, Երևանը մնում է դաշնակից: Այս մասին ՏԱՍՍ-ին տված հարցազրույցում հայտարարել Է ՀԱՊԿ գլխավոր քարտուղար Իմանգալի Տասմագամբետովը ։
«Չեմ թաքցնի, որոշակի իրադարձություններ և տրամադրություններ Հայաստանի էլիտաների մասով մտահոգիչ են։ Բայց մենք ակնկալում ենք Հայաստանի քաղաքական ղեկավարության քաղաքական սթափությունը և կազմակերպության նկատմամբ տարբեր սցենարների իրականացման հեռանկարների հավասարակշռված գնահատականը: Ընդգծեմ, որ Հայաստանը մնում է մեր դաշնակիցը, առկա բոլոր պարտավորությունները մնում են ուժի մեջ», - պատասխանել է գլխավոր քարտուղարը այն հարցին, թե արդյոք ՀԱՊԿ-ում սպասում են Երևանից հայտարարություն կազմակերպությանը մասնակցության դադարեցման վերաբերյալ ։
«Եվ ես, և քարտուղարությունն աշխատում ենք կազմակերպությունում ընդունված կանոնակարգերին և հասանելի գործիքակազմի միջոցով վերլուծել Հայաստանի շուրջ ստեղծված իրավիճակը և կազմակերպության հետ Հայաստանի փոխհարաբերությունները», - հավելել է Տասմագամբետովը։
