Գերմանացի նախարարը Թուրքիային կոչ է անում պաշտպանել մարդու իրավունքները
10/03/2021
Գերմանիայի եվրոպական հարցերի նախարար Միշել Ռոթը տեսակոնֆերանսի ձևաչափով հանդիպել է Թուրքիայի քրդամետ ժողովրդադեմոկրատական կուսակցության համանախագահներ Պերվին Բուլդանի և Միթհաթ Սանջարի հետ:
Հանդիպման մասին Ռոթը գրել է Twitter- ում:
Կողմերը քննարկել են Թուրքիայում խոսքի ազատությանն ու մարդու իրավունքների պաշտպանությանը վերաբերող մի շարք հարցեր:
«Խոսքի ազատությունը և մարդու իրավունքները ոչ թե պարզապես լավ բաներ են, դրանք նաև ժողովրդավարության և օրենքի գերակայության հիմնական տարրերն են: Սա վերաբերում է նաեւ Թուրքիային », - գրել է նա:
Ռոթը նաեւ նշել է, որ իրենք հետեւում են Թուրքիայում տեղի ունեցող հակաժողովրդավարական գործընթացներին:
