Աշտարակի ոստիկանները ապօրինի թմրաշրջանառության դեպք են բացահայտել
17/12/2020
Ոստիկանությունը շարունակում է թմրանյութերի անօրինական շրջանառության և օգտագործման դեմ հետևողական պայքարը:
Դեկտեմբերի 16-ին հերթական դեպքը բացահայտել են ոստիկանության Աշտարակի բաժնի ծառայողները:
Գիշերային շրջայցի ժամանակ քրեական հետախույզները Օհանավան գյուղից թմրամիջոց պահելու և օգտագործելու կասկածանքով «Հունդայի» մակնիշի իր մեքենայով հանդերձ՝ բերման են ենթարկել Երևան քաղաքի 40-ամյա մի բնակչի։
Մեքենայի զննությամբ հայտնաբերվել է երկու փաթեթ չորացված, մանրացված, յուրահատուկ հոտով բուսական զանգված:
Ըստ բերման ենթարկվածի` հայտնաբերվածը թմրամիջոց է, իր օգտագործման համար քաղել և պատրաստել է վայրաճ կանեփի թփերից:
Նշանակվել է փորձաքննություն:
Փաստի առթիվ նախապատրաստվում են նյութեր:
