Հայկ Դեմոյանը գիտական քննարկում-բանավեճի է հրավիրում Արարատ Միրզոյանին և ևս 6 պատգամավորի
Հայկ Դեմոյանը գիտական քննարկում-բանավեճի է հրավիրում Արարատ Միրզոյանին և ևս 6 պատգամավորի։ Այս մասին նա գրել է ֆեյսբքում։ Դեմոյանի գրառման մեջ ասվում է․
«ՀԵՏԱՔՐՔԻՐ ԴԻՏԱՐԿՈՒՄ
Հայաստանի Հանրապետության Ազգային ժողովի պատգամավորների կենսագրությունները ուսումնասիրելով, պարզեցի, որ «Իմ քայլը» խմբակցությունից հայրենի խորհրդարանում ունենք վեց պատմական գիտությունների թեկնածուներ և մեկ պատմական գիտությունների դոկտոր։ Նրանց մեծ մասին, այդ թվում՝ ԱԺ խոսնակ, պատմական գիտությունների թեկնածու Արարատ Միրզոյանին, ճանաչում եմ անձամբ։
Արարատ Միրզոյանին, Միքայել Զոլյանին, Շիրակ Թորոսյանին, Հովհաննես Հովհաննիսյանին, Նարեկ Մկրտչյանին, Վաղարշակ Հակոբյանին, Տաթևիկ Հայրապետյանին, ինչպես նաև «Իմ քայլը» խմբակցությունը լքած Գոռ Գևորգյանին, հրավիրում եմ գիտական, կրկնում եմ, գիտական, այլ ոչ թե քաղաքական, քննարկում-բանավեճի՝ հետևյալ հարցերի շուրջ․
- Պատմական պատախանատվության գիտակցումը․ Հայաստանի Հանրապետության ու հայ ժողովրդի պատմության անցյալի ու ներկայի զուգահեռներ
- ՀՀ Վարչապետ Նիկոլ Փաշինյանի հայտարարությունների պատմականության մասնագիտական վերլուծություն ու գնահատական
- Պատմությունը և անհատը․ ճակատագրական որոշումներ ու հետևանքներ»։
