ԵԽ պատգամավորին թույլ չեն տվել բանտում տեսակցել Միխեիլ Սաակաշվիլիին
13/11/2021
Եվրախորհրդարանի պատգամավոր Աննա Ֆոտիգան «Twitter»-ում գրում է, որ իրեն մերժել են բանտում տեսակցել Միխեիլ Սաակաշվիլիին։
«Ինձ մերժեցին բանտում այցելել Միխեիլ Սաակաշվիլիին։ Ես ցավում եմ կառավարության կողմից թափանցիկության և բարի կամքի բացակայության համար և կրկնում եմ, որ իրավիճակը շտկելու հնարավորություն դեռ կա։ Վրաստանի կառավարությունն ամբողջությամբ պատասխանատու է նախկին նախագահի կյանքի և առողջության համար»,-1tv.ge-ի փոխանցմամբ՝ գրել է Աննա Ֆոտիգան, ով երեկ այցելել էր Վրաստան՝ Սաակաշվիլիին տեսակցելու նպատակով։
