ՀՀ ղեկավարությունը Պրագայում Արցախի հարցը փակեց՝ անգամ քառակուսի կիլոմետրով նշելով Ադրբեջանի Հանրապետության տարածքը․ Պուտին
ՌԴ նախագահ Վլադիմիր Պուտինը՝ ամփոփելով Ղրղզստան կատարած այցի արդյունքները ասել է.
«Վարչապետ Փաշինյանն արել է հայտարարութուն, որն արմատապես փոխել է Ղարաբաղի կարգավիճակը։ Հայաստանն ընդունեց, որ Ղարաբաղն Ադրբեջանի Հանրապետության մասն է: Նախորդ տարիներին ամեն ինչ պտտվում էր նույն հարցի շուրջ՝ Ղարաբաղի կարգավիճակի: Առանց մանրամասներին տրվելու ասեմ, որ նախկինում բազմիցս մոտ ենք եղել Ղարաբաղի հարցով համաձայնության: Ի՞նչն էր խնդիրը. պայմանավորվում էինք, որ պետք է հանրաքվե անցկացվի: Սակայն մի կողմը՝ Ադրբեջանը, ասում էր, որ չի կարող նշել դրա անցկացման ժամկետը: Քանի որ, եթե ընթացիկ պայմաններում հանրաքվեն անցկացվեր՝ անկախ նրանից, թե երբ՝ վաղը, թե քսան տարի հետո, հանրաքվեի արդյունքը հասկանալի էր: Ուստի առաջարկվում էր այդ հարցը թողնել ապագա սերունդներին: Հայկական կողմը, ընդհակառաը, պնդում էր, որ որոշվի հանրաքվեի անկացման օրը, իսկ այդ հանրաքվեին՝ որոշվի Ղարաբաղի կարգավիճակը: Նրանք նույնպես ելնում էին նրանցից, որ եթե նույնիսկ հանրաքվեն անցկացվի քսան տարի անց, սակայն բնակչության ներկայիս կազմի պարագայում, արդյունքն ակնհայտ է: Ահա սա է խնդրի ամբողջ էությունը: Դե իսկ ՀՀ ղեկավարությունը Պրագայում այս հարցը փակեց՝ անգամ քառակուսի կիլոմետրով նշելով Ադրբեջանի Հանրապետության տարածքը», - Պուտին:
