Հայաստանը մերժում է Կովկասում նոր միջանցքների մասին խոսակցությունը
Հայաստանը մերժում է Կովկասում նոր միջանցքների մասին խոսակցությունները: Հաjտնում է ՀՀ անվտանգության խորհրդի քարտուղար Արմեն Գրիգորյանը իրանական «Tasnim» գործակալությանը տված հարցազրույցում։
Նշել է նաև, որ տարածաշրջանի վերջին պատերազմը ճանապարհ հարթեց ահաբեկիչների ներկայության համար:
Գրիգորյանն ասաց, որ տարածաշրջանի ճանապարհների և տնտեսական ուղիների արգելափակման հարցը մեջբերված է նոյեմբերի հայտարարության մեջ և քննարկվել է նաև հունվարի 11 -ին Ռուսաստանում կայացած Հայաստանի, Ռուսաստանի և Ադրբեջանի Հանրապետության ղեկավարների եռակողմ հանդիպմանը:
«Ես կցանկանայի վստահորեն ընդգծել, որ ոչ երկու հայտարարությունները, ոչ հանդիպումները որևէ անդրադարձ չեն կատարել միջանցքին», - հայտարարել է պաշտոնյան:
«Ցանկանում եմ հասկացնել, որ Հայաստանը երբեք միջանցքի վերաբերյալ որևէ բան չի առաջարկել և չի առաջարկի, և նա երբեք միջանցքի վերաբերյալ բանակցություններ չի վարել և չի վարի», - ընդգծեց Գրիգորյանը:
Հայաստանի Անվտանգության խորհրդի քարտուղարը նշել է, որ իր գործընկերների հետ հանդիպումներում կրկնել է այս հարցում Երևանի դիրքորոշումը:
Պաշտոնյան նաև հայտնեց Հայաստանի պատրաստակամությունը ՝ բացելու իր ճանապարհները Ադրբեջանի Հանրապետության և Թուրքիայի հետ:
Թարգմանություն՝ Մելինե Մարկոսյան
