Մեծ Բրիտանիան ութերորդ երկիրն է, որ Բելառուսից հետ է կանչում իր դեսպանին
10/10/2020
Մեծ Բրիտանիան ութերորդ եվրոպական երկիրն է, որ Բելառուսից հետ է կանչել իր դեսպանին: Այսպիսով Միացյալ Թագավորությունը ցանկացել է իր համերաշխությունը հայտնել Լեհաստանին ու Լիտվային այն բանից հետո, երբ պաշտոնական Մինսկը երկու երկրներին հրահանգել էր նվազեցնել իրենց դիվանագիտական առաքելության աշխատակազմը: Այս մասին տեղեկացնում է Euronews-ը:
Մեծ Բրիտանիայի արտգործնախարար Դոմինիկ Ռաաբը հայտնել է, որ Բրիտանիան դատապարտում է Բելառուսի որոշումը՝ լեհ և լիտվացի դիվանագետների վտարումը, ինչը նա որակել է որպես «միանգամայն անհիմն»:
Հիշեցնենք, որ Լեհաստանն ու Լիտվան 35 դիվանագետ են հետ կանչել Բելառուսից: Հինգ օր առաջ էլ Մինսկը Եվրամիության երկու անդամ պետություններից հետ էր կանչել իր դեսպաններին: