Մոտ ժամանակներս կհանդիպեն Ադրբեջանի և Հայաստանի արտգործնախարարները. Ալիև
Ադրբեջանի և Հայաստանի արտաքին գործերի նախարարները մոտ ժամանակներս կհանդիպեն Ալմաթիում, հայտարարել է նախագահ Իլհամ Ալիևը, հաղորդում է Ադրբեջանի ղեկավարի մամուլի ծառայությունը։
Ըստ մամուլի ծառայության՝ Բլինկենը զանգահարել է Ադրբեջանի Հանրապետության նախագահ Իլհամ Ալիևին․ «Ադրբեջանի նախագահը զրույցի ընթացքում նշել է, որ համաձայն ղազախական կողմի առաջարկի՝ շարունակել բանակցությունները խաղաղ պայմանագրի շուրջ, մոտ ապագայում Ադրբեջանի և Հայաստանի արտգործնախարարները կհանդիպեն Ալմաթիում»։
Ավելի վաղ Ալիևը հայտնել էր, որ ադրբեջանական կողմը համաձայնել է հանդիպում կազմակերպել հայ դիվանագետների հետ ղազախական հարթակում։
Ավելի վաղ Ղազախստանի նախագահ Կասիմ-Ժոմարտ Տոկաևը հանդիպել է Ադրբեջանի և Հայաստանի նախագահների հետ և առաջարկել խաղաղ բանակցություններ վարել հանրապետության հարթակում։
