Պայթյուն Քաբուլում ՌԴ դեսպանատան մոտ․ զոհվել է դիվանագիտական առաքելության երկու աշխատակից
Քաբուլում Ռուսաստանի դեսպանատան մոտ պայթյուն է տեղի ունեցել, որի հետևանքով զոհվել է դիվանագիտական առաքելության երկու աշխատակից, հայտնել են ԱԳՆ-ում:
«Սեպտեմբերի 5-ին՝ Քաբուլի ժամանակով 10:50-ին, Քաբուլում Ռուսաստանի դեսպանատան հյուպատոսական բաժնի մուտքի մոտ անհայտ գրոհայինը գործի է դրել պայթուցիկ սարքը։ Հարձակման հետևանքով զոհվել է դիվանագիտական առաքելության երկու աշխատակից, Աֆղանստանի քաղաքացիների շրջանում ևս կան տուժածներ»,- ասված է գերատեսչության հաղորդագրության մեջ։
Ավելի վաղ «ՌԻԱ Նովոստի»-ի աղբյուրը հայտնել էր, որ միջադեպը տեղի է ունեցել, երբ դիվանագետը հերթ է կանգնել մարդկանց մոտ, որպեսզի հայտարարի վիզա ստանալու թեկնածուներին:
Գործակալության զրուցակիցների նախնական տվյալներով՝ դեսպանատան մոտակա Istiqlal հիվանդանոցում առնվազն տասը մարդ է զոհվել, ևս ութը հոսպիտալացվել են:
Աֆղանստանի անվտանգության ծառայությունները դեսպանատան աջակցությամբ հետաքննություն են սկսել։
Տեսանյութը այստեղ։
